เจ้าผู้ปอดอ้อยสร้อย เจ้าผู้อ้อยกลางกอ พ้อหนุ่ม กทม. พ้อหนุ่ม กทม. อย่าลืมหนุ่ม ตจว. ได้กินบักส้มเขียวหวาน อย่าลืมส้มหมากค้อ ได้นั่งรถ ปอ. นางเอ๊ยนาง อย่าลืมล้อเทียมควาย คันเจ้าได้นอนเตียง อย่าลืมเถียงนาน้อย คันเจ้าได้ใส่พลอย คันเจ้าได้ใส่พลอย อย่าลืมสร้อยบัวสาย อยู่ตึกสูงเสียดฟ้า อย่าลืมเฮือนฝาไม้ ได้คบเพื่อนคนไทย นางเอ๊ยนางอย่าลืมอ้ายคนภูธร มีโทรศัพท์โมบาย อย่าลืมจดหมายน้อย ให้เห็นใจคนคอย ให้เห็นใจคนคอย อยู่บ้านนาละวอนวอน ฮู้จักวาเลนไทน์ อย่าลืมแห่กัณฑ์หลอน ได้เบิ่งหนังละคร นางเอ๊ยนางอย่าลืมกลอนลำล่อง โอ้แม่แก้มจายวาย เจ้าผู้ท้ายล่ามล่าม อย่าสิลืมเด้อคำ อย่าสิลืมเด้อคำสัญญามั่นเฮาสอง * เจ้าผู้งามปานแต้ม เจ้าผู้แก้มอ่องต่อง อย่าสิไปอ่องล่อง นางเอ๊ยนางลืมหนุ่ม ตจว. เจ้าผู้ปอดอ้อยสร้อย เจ้าผู้อ้อยกลางกอ มาอยู่ กทม. นางเอ๊ยนางย้านอ้อยเหลือแต่ชาน ( ซ้ำ * )